ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ

     ໃນເວລາ 14:00 ໂມງ ຂອງວັນທີ 25 ພຶດສະພາ 2026 ຜ່ານມາ, ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ ໄດ້ຕ້ອນຮັບ ສາດສະດາຈານ ຊຶງຮວານ ລີ (Seunghwan Lee) ພ້ອມດ້ວຍທິມງານ ຈາກສະຖາບັນເຕັກໂນໂລຊີແຫ່ງຊາດ ຄູໂມ ຈາກ ສ.ເກົາຫຼີ (Kumoh National Institute of Technology - KIT) ໂດຍໃຫ້ກຽດຕ້ອນຮັບ ຂອງທ່ານ ອານຸສິນ ແສງສຸລິນ ຮອງຜູ້ນຳອຳນວຍການສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ ພ້ອມມີຄະນະພະແນກ ແລະ ສູນກ່ຽວຂ້ອງ

     ການມາພົບປະຂອງຄະນະດັ່ງກ່າວໃນຄັ້ງນີ້ ມີຈຸດປະສົງ ເພື່ອປຶກສາຫາລື ແລະ ຊອກຫາຄູ່ຮ່ວມງານຝ່າຍລາວ ທີ່ມີທ່າແຮງ ສຳລັບການຈັດຕັ້ງປະຕິບັດ 2 ແຜນງານພັດທະນາຊຸມຊົນ ດັ່ງນີ້:

1. ຕູ້ຢອດຫຼຽນນໍ້າດື່ມອັດຕະໂນມັດ: ເພື່ອສະໜອງນໍ້າດື່ມທີ່ສະອາດ, ປອດໄພ ແລະ ໃນລາຄາທີ່ປະຢັດ.
2. ລະບົບກ໊າສຊີວະພາບ (Biogas): ເພື່ອຫັນປ່ຽນສິ່ງເສດເຫຼືອທາງການກະສິກຳ ໃຫ້ເປັນພະລັງງານສະອາດ ແລະ ຝຸ່ນຊີວະພາບ.

     ໃນຕອນເຊົ້າ ຂອງວັນທີ 12 ພຶດສະພາ 2026 ເວລາ 08:30 ທີ່ຫ້ອງຝຶກອົບຮົມ ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ ໄດ້ເປີດພິທີຝຶກອົບຮົມການນຳໃຊ້ລະບົບຫ້ອງການທັນສະໄໜ e-office ໃຫ້ແກ່ພະນັກງານ ສວນ.

     ການຝຶກອົບຮົມໃນຄັ້ງນີ້ ໃຫ້ກຽດເປັນປະທານໂດຍ ທ່ານ ປອ. ສີພອນ ແສງສຸລິຈັນ ຜູ້ອຳນວຍການ ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ, ມີຮອງຜູ້ອໍານວຍການ, ຄະນະພະແນກ, ຄະນະສູນ, ວິທະຍາກອນຈາກສູນ ICT ກະຊວງສຶກສາທິການ ແລະ ກິລາ 02 ທ່ານ ແລະ ພະນັກງານວິຊາການພາຍໃນ ສວນ ເຂົ້າຮ່ວມ ເຊິ່ງລວມມີທັງໝົດ 20 ທ່ານ, ຍິງ6ທ່ານ.

     ຈຸດປະສົງຂອງການຝຶກອົບຮົມຄັ້ງນີ້ ແມ່ນເພື່ອຝຶກອົບຮົມການນຳໃຊ້ລະບົບຫ້ອງການທັນສະໄໜ e-office ໃຫ້ແກ່ພະນັກງານ ສວນ ໃຫ້ຮູ້ວິທີການນຳໃຊ້ ເພື່ອໃຫ້ທັນກັບສະພາບການທັນສະໄໜຂອງລັດຖະບານ ແລະ ການນໍາໃຊ້ລະບົບຫ້ອງການທັນສະໄໜ.

           ວັນທີ 26 ມີນາ 2026 ສູນພັດທະນາຫຼັກສູດ ແລະ ຝຶກອົບຮົມ, ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ ໄດ້ເປີດຝຶກອົບຮົມການນໍາໃຊ້ປັນຍາປະດິດ (AI)  ທີ່ຫ້ອງຝຶກອົບຮົມ ສະຖາບັນຄົ້ນຄວ້າວິທະຍາ ສາດ ແລະ ນະວັດຕະກໍາ.

          ໃນພິທີດັ່ງກ່າວ ໃຫ້ກຽດເປັນປະທານ ຂອງ ທ່ານ ປອ ສີພອນ ແສງສຸລິຈັນ ຜູ້ອໍານວຍການ ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ, ມີຮອງຜູ້ອໍານວຍການ, ວິທະຍາກອນຈາກ ຄະນະວິທະຍາສາດທໍາມະຊາດ, ມະຫາວິທະຍາໄລແຫ່ງຊາດ, ບັນດາຫົວໜ້າສູນ, ຮອງສູນ, ວິຊາການ ພາຍໃນສະຖາບັນ ແລະ ບັນດາກົມກອງອ້ອມຂ້າງກະຊວງສຶກສາທິການ ແລະ ກິລາ ເຂົ້າຮ່ວມທັງໝົດ 22 ທ່ານ, ຍິງ 7 ທ່ານ.

     ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ, ສູນພັດທະນາຫຼັກສູດ ແລະ ຝຶກອົບຮົມ ຮ່ວມກັບ ໂຮງຮຽນ ມສ ໂພນງາມ, ເມືອງໄຊທານີ ນະຄອນຫຼວງວຽງຈັນ ໄດ້ຈັດກິດຈະກຳ “ສ້າງຈິດສໍານຶກ ຄວາມຮູ້ພື້ນຖານ ດ້ານດາລາສາດ" ຂຶ້ນ ໃນວັນທີ 18 ກຸມພາ 2026 ທີ່ຜ່ານມາ ຢູ່ຫ້ອງປະຊຸມໃຫຍ່ຂອງໂຮງຮຽນ, ໂດຍມີຄະນະ ອໍານວຍການໂຮງຮຽນ ແລະ ຄູອາຈານ ພ້ອມດ້ວຍ ນັກຮຽນ ຊັ້ນ ມໍ4 ຫາ ມໍ7 ເຂົ້າຮ່ວມຢ່າງຟົດຟື້ນ ຈານວນ 100 ກວ່າຄົນ

     ກິດຈະກຳໃນຄັ້ງນີ້ ຈັດຂຶ້ນໂດຍມີຈຸດປະສົງ ເພື່ອປູກຝັງຄວາມສົນໃຈ ແລະ ເປີດໂລກທັດທາງດ້ານ ດາລາສາດ ໃຫ້ແກ່ນ້ອງນັກຮຽນ, ພ້ອມທັງສ້າງພື້ນຖານ ຄວາມເຂົ້າໃຈກ່ຽວກັບ ຈັກກະວານ, ດວງດາວ ແລະ ລະບົບສຸລິຍະ ທີ່ຖືກຕ້ອງຕາມຫຼັກວິທະຍາສາດ. ພາຍໃນງານ ມີການບັນຍາຍ ແລະ ສາຍວີດີໂອ ກ່ຽວກັບ ການກຳເນີດ ຂອງຈັກກະວານ, ປະກົດການທາງດາລາສາດທີ່ສໍາຄັນ ເຊັ່ນ: ສຸລິຍະຄາດ ແລະ ຈັນທະຄາດ, ພ້ອມທັງມີການ ສາທິດການເບິ່ງກຸ່ມດາວ, ການເບິ່ງທ້ອງຟ້າຈໍາລອງໃນໂດມ ໃຫ້ນັກຮຽນໄດ້ທົດລອງປະຕິບັດຕົວຈິງ ເຊິ່ງສ້າງຄວາມ ຕື່ນຕາຕື່ນໃຈ ແລະ ດຶງດູດຄວາມສົນໃຈຈາກນັກຮຽນໄດ້ເປັນຢ່າງດີ ໂດຍໄດ້ຮັບຟັງການບັນລະຍາຍ ຈາກອາຈານ ສົມສັກ ອາລຸນສະຫວັດ ຫົວໜ້າສູນ ຮັບຜິດຊອບວຽກງານດາລາສາດ.