ກອງປະຊຸມໃຫ່ຍສະມາຊິກພັກ ຄັ້ງທີ II ຂອງໜ່ວຍພັກຮາກຖານ ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ ໄດ້ໄຂຂຶ້ນ ຢ່າງເປັນທາງການ ໃນຕອນເຊົ້າ ຂອງວັນທີ 31 ຕຸລາ 2024 ເວລາ 08:00, ທີ່ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ.

     ກອງປະຊຸມຄັ້ງນີ້ ໃຫ້ກຽດຕ້ອນຮັບ ແລະ ເປັນປະທານ ໂດຍ ສະຫາຍ ປອ. ຕຸດາວັນ ໜໍ່ເມືອງເສດ ຄະນະປະຈຳພັກກະຊວງ, ເລຂາໜ່ວຍພັກ ຫົວໜ້າກົມຈັດຕັ້ງ ແລະ ພະນັກງານ ກະຊວງສຶກສາທິການ ແລະ ກິລາ. ແລະ ໃຫ້ກຽດເປັນປະທານຮ່ວມ ຂອງ ສະຫາຍ ພິມພາ ອຸດທະຈັກ ເລຂາໜ່ວຍພັກຮາກຖານ ສວນ, ສະຫາຍ ຄຳແສນ ໄຊຍະວົງ ກຳມະການໜ່ວຍພັກຮາກຖານກົມກວດກາ, ຄະນະ     ໜ່ວຍຮັບຜິດຊອບຊີ້ນໍາ ຕິດຕາມ ຊຸກຍູ້ ກະກຽມການດໍາເນີນກອງປະຊຸມໃຫຍ່ 3 ຂັ້ນ ແລະ ມີບັນດາສະຫາຍຕາງໜ້າຄະນະໜ່ວຍພັກກົມ, ຫ້ອງການ ແລະ ສະຖາບັນອ້ອມຂ້າງກະຊວງສຶກສາທິການ ແລະ ກິລາ, ມີບັນດາສະຫາຍຄະນະຊີ້ນຳ, ຊຸກຍູ້ ແລະ ຕິດຕາມ ການກະກຽມ ດຳເນີນກອງປະຊຸມໃຫຍ່ 3 ຂັ້ນ ແລະ ສະມາຊິກພັກສົມບູນ, ສໍາຮອງ ພາຍໃນໜ່ວຍພັກເຂົ້າ​ຮ່ວມ ເຊິ່ງລວມມີທັງໝົດ 35 ສະຫາຍ ຍິງ 11 ສະຫາຍ.

     ໜ່ວຍພັກຮາກຖານສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ  ໄດ້ດໍາເນີນກອງປະຊຸມທາບທາມບຸກຄະລາກອນ (ຮອບທີ 2) ໃນວັນອັງຄານ ວັນທີ 15 ຕຸລາ 2024 ເວລາ 08:30-16:00, ທີ່ຫ້ອງຝຶກອົບຮົມ ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ.

     ກອງປະຊຸມຄັ້ງນີ້ ຊຶ່ງໃຫ້ກຽດເປັນປະທານໂດຍ ສະຫາຍ ພິມພາ ອຸດທະຈັກ ເລຂາໜ່ວຍພັກຮາກຖານ ສວນ, ມີຕາງໜ້າຈາກກົມກວດກາ, ກົມຈັດຕັ້ງ ແລະ ພະນັກງານ, ສະມາຊິກພັກສົມບູນ ແລະ ສໍາຮອງ ພາຍໃນໜ່ວຍພັກ ເຂົ້າ​ຮ່ວມທັງໝົດ 31 ສະຫາຍ ຍິງ 11 ສະຫາຍ.

     ໜ່ວຍພັກຮາກຖານສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ (ສວນ) ໄດ້ດໍາເນີນກອງປະຊຸມເປີດກວ້າງ ແລະ ທາບທາມບຸກຄະລາກອນ (ຮອບທີ 1) ໃນໄລຍະຜ່ານມາ-ວັນອັງຄານ ວັນທີ 24 ກັນຍາ 2024, ເວລາ 13:30-16:30 ທີ່ ຫ້ອງຝຶກອົບຮົມ, ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ.

     ກອງປະຊຸມຄັ້ງນີ້ ຊຶ່ງໃຫ້ກຽດເປັນປະທານໂດຍ ສະຫາຍ ປອ ຕຸດາວັນ ໜໍ່ເມືອງເສດ ຄະນະປະຈຳພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ, ມີ ສະຫາຍ ພິມພາ ອຸດທະຈັກ ເລຂາໜ່ວຍພັກຮາກຖານ ສວນ ແລະ ສະຫາຍ ປອ ສີພອນ ແສງສຸລິຈັນ ກໍາມະການໜ່ວຍພັກຮາກຖານ ຮ່ວມເປັນປະທານກອງປະຊຸມ, ມີສະມາຊິກພັກສົມບູນ ແລະ ສໍາຮອງ ເຂົ້າ​ຮ່ວມທັງໝົດ 35 ສະຫາຍ ຍິງ 10 ສະຫາຍ.

     ໃນເວລາ 08:30 – 10:30 ຂອງວັນທີ 13 ກັນຍາ 2024 ຜ່ານມາ, ໜ່ວຍພັກຮາກຖານສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ(ສວນ) ໄດ້ຈັດພິທີຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງໃໝ່ ທີ່ ຫ້ອງປະຊຸມ ຂອງສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ, ຊຶ່ງໃຫ້ກຽດເປັນປະທານໂດຍ ສະຫາຍ ພິມ​ພາ ອຸດທະ​ຈັກ ​ເລຂາໜ່ວຍພັກ​ຮາກ​ຖານ ສະ​ຖາ​ບັນ​ຄົ້ນຄວ້າ​ວິທະຍາສາດ ​ແລະ  ນະວັດຕະກຳ ເຊິ່ງມີສະມາຊິກພັກ​ເຂົ້າ​ຮ່ວມທັງໝົດ 27 ສະຫາຍ, ຍິງ 9 ສະຫາຍ.

     ຈຸດປະສົງຂອງພິທີໃນຄັ້ງນີ້ ແມ່ນເພື່ອຮັບເອົາມະຫາຊົນກ້າວໜ້າ 1 ສະຫາຍ ເຂົ້າເປັນສະມາຊິກພັກສຳຮອງ ຕາມມະຕິຕົກລົງ ສະບັບເລກທີ 292/ຄພສກ, ລົງວັນທີ 23 ສິງຫາ 2024.