ພະແນກບໍລິຫານ ແລະ ບໍລິການ ມີໜ້າທີ່ດັ່ງນີ້:

1. ຄົ້ນຄວ້າຜັນຂະຫຍາຍ ແຜນການ, ແຜນງານລະອຽດ ແລະ ໂຄງການສະເພາະ ຂອງສະຖາບັນໃຫ້ເປັນຫນ້າວຽກລະອຽດ ຂອງພະແນກ ພ້ອມທັງຮັບຜິດຊອບຈັດຕັ້ງປະຕິບັດ;

2. ຄຸ້ມຄອງ, ສ້າງແຜນບໍາລຸງ, ກໍ່ສ້າງ, ບັນຈຸ, ຊັບຊ້ອນ, ຕິດຕາມ ແລະ ປະເມີນຜົນພະນັກງານລັດຖະກອນ, ສົ່ງເສີມບົດບາດຍິງ-ຊາຍ, ນໍາສະເຫນີປະຕິບັດນະໂຍບາຍ, ຍ້ອງຍໍ ແລະ ວິໄນ ຕໍ່ພະນັກງານ ລັດຖະກອນ ຂອງສະຖາບັນ;

3. ຄຸ້ມຄອງ, ບໍລິຫານຊັບສິນ ແລະ ເອກະສານທາງລັດຖະການ ຂອງສະຖາບັນ;

4. ຄຸ້ມຄອງການເງິນ, ສ້າງແຜນງົບປະມານທີ່ຕິດພັນວຽກງານຄົ້ນຄ້ວາວິທະຍາສາດ ແລະ ນະວັດຕະກໍາ ພ້ອມທັງສະຫຼຸບ ແລະ ລາຍງານການນໍາໃຊ້ງົບປະມານຕາມລະບຽບການ;

5. ສ້າງແຜນການ ແລະ ສະຫລຸບລາຍງານສະພາບການຈັດຕັ້ງປະຕິບັດວຽກງານ ຂອງພະແນກ ແລະ ບັນດາ - ສູນ ນໍາສະເຫນີກອງປະຊຸມສ່ອງແສງ;

6. ປະສານສົມທົບກັບບັນດາສູນ ພາຍໃນສະຖາບັນ ກ່ຽວກັບການໃຫ້ຄໍາປຶກສາ, ຄໍາແນະນໍາ, ບໍລິການ - ວຽກງານການຄົ້ນຄວ້າວິທະຍາສາດ ແລະ ນະວັດຕະກໍາ;

7. ກວດກາ, ຕິດຕາມ ແລະ ປະເມີນຜົນ ການຈັດຕັ້ງປະຕິບັດວຽກງານ ຂອງພະແນກ ແລະ ບັນດາສູນ ພ້ອມທັງສະຫລຸບລາຍງານ ປະຈໍາເດືອນ, 3 ເດືອນ, 6 ເດືອນ ແລະ ປະຈໍາປີ ຢ່າງເປັນປົກກະຕິ;

8. ກະກຽມ, ຮ່າງບັນທຶກ, ເຊັນສັນຍາ, ບົດບັນທຶກຊ່ວຍຈໍາ ແລະ ປະສານງານກັບພາກສ່ວນຕ່າງໆທັງພາຍໃນ ແລະ ຕ່າງປະເທດ;

9. ພົວພັນຮ່ວມມື, ພົບປະເຈລະຈາ ແລະ ປະສານງານກັບອົງການຈັດຕັ້ງຕ່າງໆ ທັງພາຍໃນ ແລະ ຕ່າງປະເທດ ເພື່ອການຊ່ວຍເຫຼືອ ຮ່ວມມື;

10. ປະສານສົມທົບກັບບັນດາພະແນກ ແລະ ສູນພາຍໃນສະຖາບັນ ໃນການຈັດຕັ້ງປະຕິບັດວຽກງານ;

11. ກວດກາ, ຕິດຕາມ ແລະ ປະເມີນຜົນ ພ້ອມທັງ ສະຫຼຸບລາຍງານ ການຈັດຕັ້ງປະຕິບັດວຽກງານ ພາຍໃນ - ພະແນກ ໃຫ້ຄະນະອໍານວຍການ ແລະ ຂັ້ນເທິງຊາບ ໃນແຕ່ລະໄລຍະ;

12. ປະຕິບັດຫນ້າທີ່ອື່ນ ຕາມການມອບຫມາຍຂອງຄະນະອໍານວຍການ.