ສູນພັດທະນາຫຼັກສູດ ແລະ ຝຶກອົບຮົມ ມີໜ້າທີ່ດັ່ງນີ້:

1. ຄົ້ນຄວ້າຜັນຂະຫຍາຍ ແຜນການ, ແຜນງານລະອຽດ ແລະ ໂຄງການສະເພາະ ຂອງສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ ໃຫ້ເປັນຫນ້າວຽກລະອຽດ ຂອງສູນ ພ້ອມທັງຮັບຜິດຊອບຈັດຕັ້ງປະຕິບັດ;

2. ສຶກສາ, ຄົ້ນຄວ້າ, ສ້າງ ແລະ ພັດທະນາຫຼັກສູດ, ພັດທະນາສື່ການຮຽນ-ການສອນ, ວິທີການສິດສອນທີ່ທັນສະໄຫມ ຂອງວຽກງານວິທະຍາສາດ, ເຕັກໂນໂລຊີ ແລະ ນະວັດຕະກໍາ ໃຫ້ແກ່ພະນັກງານ-ລັດຖະກອນ, ນັກຄົ້ນຄວ້າ ແລະ ນັກວິຊາການ ທັງພາກລັດ ແລະ ເອກະຊົນ;

3. ສຶກສາຄົ້ນຄວ້າ, ເລືອກເຟັ້ນ ແລະ ຫົວຂໍ້ຝຶກອົບຮົມກ່ຽວກັບຜົນງານການຄົ້ນຄວ້າວິທະຍາສາດ, ເຕັກໂນໂລຊີ ແລະ ນະວັດຕະກໍາ ທັງພາຍໃນ ແລະ ຕ່າງປະເທດ;

4. ສຶກສາ, ຄົ້ນຄວ້າ, ສ້າງ ແລະ ປັບປຸງນິຕິກໍາ ກ່ຽວກັບການຄົ້ນຄວ້າວິທະຍາສາດ ແລະ ນະວັດຕະກໍາ;

5. ຈັດສໍາມະນາ, ຝຶກອົມຮົມ ໄລຍະສັ້ນ ແລະ ຍາວ ວຽກງານວິທະຍາສາດ, ເຕັກໂນໂລຊີ ແລະ ນະວັດຕະກໍາ ໃຫ້ທາງພາກລັດ ແລະ ເອກະຊົນ;

6. ໂຄສະນາ, ເຜີຍແຜ່, ຈັດການແຂ່ງຂັນ ແລະ ງານວາງສະແດງ ຜົນການຄົ້ນຄວ້າວິທະຍາສາດ, ເຕັກໂນໂລຊີ ແລະ ນະວັດຕະກໍາ;

7. ເປັນກອງເລຂາຄະນະກໍາມະການການຄົ້ນຄວ້າວິທະຍາສາດ ໃຫ້ສະພາວິທະຍາສາດແຫ່ງຊາດ;

8. ຕິດຕາມ, ກວດກາ, ປະເມີນຜົນ ແລະ ສະຫຼຸບລາຍງານ ຄະນະສະຖາບັນ;

9. ພົວພັນຮ່ວມມື, ພົບປະເຈລະຈາ ແລະ ປະສານງານກັບອົງການຈັດຕັ້ງຕ່າງໆ ທັງພາຍໃນ ແລະ ຕ່າງປະເທດ ເພື່ອການຊ່ວຍເຫຼືອ ຮ່ວມມື-ຄົ້ນຄວ້າ ພັດທະນາຫຼັກສູດ ແລະ ຝຶກອົບຮົມ;

10. ປະສານສົມທົບກັບບັນດາພະແນກ ແລະ ສູນພາຍໃນສະຖາບັນ ໃນການຈັດຕັ້ງປະຕິບັດວຽກງານ;

11. ກວດກາ, ຕິດຕາມ ແລະ ປະເມີນຜົນ ພ້ອມທັງ ສະຫຼຸບລາຍງານ ການຈັດຕັ້ງປະຕິບັດວຽກງານພາຍໃນພະແນກ ໃຫ້ຄະນະອໍານວຍການ ແລະ ຂັ້ນເທິງຊາບ ໃນແຕ່ລະໄລຍະ;

12. ປະຕິບັດຫນ້າທີ່ອື່ນ ຕາມການມອບຫມາຍຂອງຄະນະອໍານວຍການ.