ສູນຂໍ້ມູນຂ່າວສານ ແລະ ຫໍສະໝຸດ ມີຫນ້າທີ່ດັ່ງນີ້:

1, ຄົ້ນຄວ້າຜັນຂະຫຍາຍ ແຜນການ, ແຜນງານລະອຽດ ແລະ ໂຄງການສະເພາະ ຂອງສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ ໃຫ້ເປັນຫນ້າວຽກລະອຽດ ຂອງສູນຂໍ້ມູນຂ່າວສານ ແລະ ຫໍສະຫມຸດ ພ້ອມທັງຮັບຜິດຊອບຈັດຕັ້ງປະຕິບັດ;

2. ຄົ້ນຄວ້າ, ພັດທະນາ ແລະ ຄຸ້ມຄອງ ລະບົບຖານຂໍ້ມູນ E-Library, ລະບົບ E-Book, ລະບົບຖານຂໍ້ມູນການຄົ້ນຄວ້າ, ເວັບໄຊ໌ ແລະ ລະບົບກອງປະຊຸມທາງໄກ (Video Conference);

3. ຄົ້ນຄວ້າ, ເລືອກເຟັ້ນ ສື່ສິ່ງພິມ, ສື່ເອເລັກໂຕຣນິກ ຂະແຫນງການຍ່ອຍວິທະຍາສາດ ແລະ ເກັບກໍາສໍາຫຼວດທ່າແຮງດ້ານວິທະຍາສາດ ແລະ ເຕັກໂນໂລຊີ ຂອງສປປລາວ;

4. ຈັດພິມປື້ມຄູ່ມື, ບົດແນະນໍາ, ໂປຣສະເຕີ, ແຜ່ນພັບ, ວາລະສານວິທະຍາສາດ-ເຕັກນິກ ແລະ ສື່ສິ່ງ ພິມອື່ນໆ; 5. ບໍລິການຂໍ້ມູນຂ່າວສານ ຂົງເຂດວິທະຍາສາດ, ເຕັກໂນໂລຊີ ແລະ ນະວັດຕະກໍາ ຮັບໃຊ້ການສຶກສາ ແລະ ຄົ້ນຄວ້າ;

6. ປະສານສົມທົບກັບບັນດາຂະແຫນງການ ແລະ ທ້ອງຖິ່ນ ໃນການສ້າງເຄືອຂ່າຍຖານຂໍ້ມູນຂ່າວສານ ແລະ ຫໍສະຫມຸດ ຂົງເຂດວິທະຍາສາດ, ເຕັກໂນໂລຊີ ແລະ ນະວັດຕະກໍາ;

7. ຕິດຕາມ, ກວດກາ, ປະເມີນຜົນ ແລະ ສະຫຼຸບລາຍງານ ຄະນະສະຖາບັນ;

8. ພົວພັນຮ່ວມມື, ພົບປະເຈລະຈາ ແລະ ປະສານງານກັບອົງການຈັດຕັ້ງຕ່າງໆທັງພາຍໃນ ແລະ ຕ່າງປະເທດ ເພື່ອການຊ່ວຍເຫຼືອ ຮ່ວມມື-ຄົ້ນຄວ້າ ວຽກງານຂໍ້ມູນຂ່າວສານ ແລະ ຫໍສະຫມຸດ;

9. ປະສານສົມທົບກັບບັນດາພະແນກ ແລະ ສູນພາຍໃນສະຖາບັນ ໃນການຈັດຕັ້ງປະຕິບັດວຽກງານ;

10. ກວດກາ, ຕິດຕາມ ແລະ ປະເມີນຜົນ ພ້ອມທັງ ສະຫຼຸບລາຍງານ ການຈັດຕັ້ງປະຕິບັດວຽກງານພາຍໃນພະແນກ ໃຫ້ຄະນະອໍານວຍການ ແລະ ຂັ້ນເທິງຊາບ ໃນແຕ່ລະໄລຍະ;

11. ປະຕິບັດຫນ້າທີ່ອື່ນ ຕາມການມອບຫມາຍຂອງຄະນະອໍານວຍການ.