ເວລາ 09:00 ຂອງວັນທີ 26 ສິງຫາ 2024 ກໍາມະບານຮາກຖານ ສວນ ໄດ້ເປີດກອງປະຊຸມ ປະເມີນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ປະຈໍາປີ 2024 ຂຶ້ນ ຢູ່ທີ່ຫ້ອງປະຊຸມ ຂອງ ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ
ໃນພິທີດັ່ງກ່າວ ໃຫ້ກຽດເປັນປະທານໂດຍ ສະຫາຍ ສົມສັກ ອາລຸນສະຫວັດ ປະທານກຳມະບານຮາກຖານສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ ພ້ອມດ້ວຍສະມາຊິກກຳມະບານທຸກສະຫາຍພາຍໃນ ສວນ ເຂົ້າຮ່ວມ.
ກຳມະບານຮາກຖານ ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ
ສໍາເລັດກອງປະຊຸມໃຫຍ່ ຄັ້ງທີ II ຂອງຕົນ
ໃນຕອນເຊົ້າ ຂອງວັນທີ 17 ພຶດສະພາ 2024, ທີ່ຫ້ອງປະຊຸມຂອງສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ (ສວນ), ບ້ານດອນຕີ້ວ, ກຳມະບານຮາກຖານ ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ, ກະຊວງສຶກສາທິການ ແລະ ກິລາ ໄດ້ຈັດກອງປະຊຸມໃຫຍ່ ຄັ້ງທີ II ຂຶ້ນ ໂດຍໃຫ້ກຽດເຂົ້າຮ່ວມເປັນປະທານຮ່ວມຂອງ ສະຫາຍ ພິມພາ ອຸດທະຈັກ ເລຂາໜ່ວຍພັກ ສວນ, ສະຫາຍ ບຸນມີ ພິພັກຄະວົງ ຄະນະສະຫະພັນກຳມະບານ ກະຊວງສຶກສາທິການ ແລະ ກິລາ, ສະຫາຍ ອານຸສິນ ແສງສຸລິນ ຮອງປະທານກໍາມະບານຮາກຖານ ສວນ, ມີສະຫາຍເລຂາໜ່ວຍຊາວໜຸ່ມ ແລະ ສະຫາຍປະທານສະຫະພັນແມ່ຍິງ ສວນ, ແຂກຖືກເຊີນ ແລະ ສະມາຊິກກຳມະບານພາຍໃນຮາກຖານເຂົ້າຮ່ວມທັງໝົດ 28 ສະຫາຍ, ຍິງ 11 ສະຫາຍ.
ຈຸດປະສົງຂອງກອງປະຊຸມຄັ້ງນີ້ແມ່ນເພື່ອສະຫຼຸບຕີລາຄາຜົນງານການເຄື່ອນໄຫວຊີ້ນໍາ-ນໍາພາ ຈັດຕັ້ງປະຕິບັດວຽກງານ ໃນໄລຍະຜ່ານມາ (2019-2024) ແລະ ທິດທາງແຜນການ 05 ປີຕໍ່ໜ້າ (2025-2029).
