ຈຸດປະສົງ ຂອງການເປີດກອງປະຊຸມໃນຄັ້ງນີ້ ແມ່ນເພື່ອ ຜ່ານຮ່າງບົດສະຫຼຸບວຽກງານການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ປະຈໍາປີ 2024 ຂອງກໍາມະບານຮາກຖານ ສວນ ແລະ ຜ່ານແບບຟອມປະເມີນຂອງສະມາຊິກກໍາມະບານ 5 ເປັນເຈົ້າ ປະຈໍາປີ 2024
ກອງປະຊຸມໄດ້ດຳເນີນໄປຕາມວາລະ ແລະ ສະຫາຍ ກາດຳ ຈັນດາວົງ ຮອງປະທານກຳມະບານຮາກຖານ ສວນ ຍັງໄດ້ເຜີຍແຜ່ຂໍ້ຕົກລົງວ່າດ້ວຍກອງທຶນຊ່ວຍເຫຼືອເຊິ່ງກັນ ແລະ ກັນ ຂອງສະຫະພັນ ກໍາມະບານ ສສກ (ສະບັບປັບປຸງໃໝ່) ແລະ ບັນດາສະມາຊິກກຳມະບານກໍ່ຍັງໄດ້ມີຄຳຄິດຄຳເຫັນ, ຕຳນິສົ່ງຂ່າວເພື່ອກໍ່ສ້າງເຊິ່ງກັນ ແລະ ກັນຕື່ມອີກ.
ກອງປະຊຸມໄດ້ດຳເນີນໄປເປັນເວລາເຄິ່ງວັນ ແລະ ໄດ້ປິດລົງໃນເວລາ 11:30 ຂອງວັນດຽວກັນ.