ຈຸດປະສົງ ຂອງການເປີດກອງປະຊຸມໃນຄັ້ງນີ້ ແມ່ນເພື່ອ ຜ່ານຮ່າງບົດສະຫຼຸບວຽກງານການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ປະຈໍາປີ 2025, ທິດທາງແຜນການ ປະຈໍາປີ 2026 ແລະ ຜ່ານແບບຟອມປະເມີນສະມາຊິກກໍາມະບານ 5 ເປັນເຈົ້າ ປະຈໍາປີ 2025 ຂອງກໍາມະບານຮາກຖານ ສວນ.
ກອງປະຊຸມໄດ້ແນະນໍາວິທີການປະເມີນໃຫ້ຄະແນນສ່ວນບຸກຄົນ ແລະ ການຈັດຕັ້ງ, ບັນດາສະມາຊິກກຳມະບານກໍ່ຍັງໄດ້ປະກອບຄຳຄິດຄຳເຫັນຕໍ່ບົດສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ປະຈໍາປີ 2025 ແລະ ທິດທາງແຜນການ ປະຈໍາປີ 2026.
ໃນຕອນທ້າຍ ສະຫາຍ ປອ ສີພອນ ແສງສຸລິຈັນ ເລຂາໜ່ວຍພັກຮາກຖານ ສວນ ມີທິດຊີ້ນໍາຕໍ່ກອງປະຊຸມ ໂດຍເນັ້ນໃຫ້ ສະມາຊິກໍາມະບານທຸກສະຫາຍ ເອົາໃຈໃສ່ ໃນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າໃຫ້ດີຍິ່ງໆຂຶ້ນ, ພ້ອມທັງໃຫ້ເອົາໃຈໃສ່ຕໍ່ການປະຕິບັດກົດລະບຽບທີ່ສະຫະພັນກຳມະບານວາງອອກ ກໍ່ຄືການປະຕິບັດກົດລະບຽບລັດຖະກອນ, ລະບຽບກົດໝາຍຂອງພັກ-ລັດໃຫ້ໜັກແໜ້ນ ສືບຕໍ່ປະຕິບັດໜ້າທີ່ທີ່ຕົນເອງໄດ້ຮັບຜິດຊອບໃຫ້ມີຜົນສຳເລັດຕາມຄາດໝາຍທີ່ວາງໄວ້.
ກອງປະຊຸມໄດ້ດຳເນີນໄປເປັນເວລາເຄິ່ງວັນ ແລະ ໄດ້ປິດລົງໃນເວລາ 11:30 ຂອງວັນດຽວກັນ.