ຈຸດປະສົງຂອງການຈັດກອງປະຊຸມໃນຄັ້ງນີ້ແມ່ນນຳສະເໜີພາບລວມຂອງການສ້າງ E-Book, ແນະນຳວິທີການຕິດຕັ້ງ, ນຳໃຊ້, ແລະ ພັດທະນາ E-Book.
ກອງປະຊຸມ ຍັງໄດ້ແລກປ່ຽນບົດຮຽນ ແລະ ປະກອບຄໍາຄິດເຫັນ ຕໍ່ພາບລວມຂອງ E-Book ເພື່ອປັບປຸງໃຫ້ສົມບູນ ນຳໃຊ້ໄດ້ຢ່າງມີປະສິດທິຜົນສູງ. ຫຼັງຈາກນັ້ນ, ທາງຄະນະນໍາສະຖາບັນ ໄດ້ມອບໃບຍ້ອງຍໍ ໃຫ້ແກ່ ອາຈານທີ່ປຶກສາ ແລະ ນັກສຶກສາ ທີ່ໄດ້ປະກອບ ສ່ວນໃນການສ້າງລະບົບຖານຂໍ້ມູນ E-Book ໃຫ້ແກ່ ສະຖາບັນ ເພື່ອເປັນການສະແດງຄວາມຂອບໃຈ.
ໃນຕອນທ້າຍ, ກອງປະຊຸມໄດ້ປຶກສາຫາລືແນວທາງຮ່ວມມືກັນເພື່ອສືບຕໍ່ພັດທະນາ E-Book, E-Library, ຖານຂໍ້ມູນຕ່າງໆ ໃນຕໍ່ໜ້າຕື່ມອີກ.
ກອງປະຊຸມໄດ້ດຳເນີນໄປເປັນເວລາເຄິ່ງວັນດ້ວຍຜົນສຳເລັດທີ່ຈົບງາມ ແລະ ໄດ້ປິດກອງປະຊຸມລົງໃນເວລາ 11:40 ຂອງວັນດຽວກັນ.