ທ່ານ ປອ. ສຸລິອຸດົງ ສຸນດາລາ ຮອງລັດຖະມົນຕີກະຊວງສຶກສາທິການ ແລະ ກິລາ, ແຂກຖືກເຊີນຈາກຫ້ອງການ ສສກ, ກົມຈັດຕັ້ງ ແລະ ພະນັກງານ, ກົມການສຶກສາຊັ້ນສູງ, ກຳມະການສະພາບໍລິຫານກອງທຶນ, ພະແນກສຶກສາທິການ ແລະ ກິລາແຂວງວຽງຈັນ, ຄະນະບໍລິຫານງານຊາວໜຸ່ມສຳນັກ ສສກ, ຄະນະບໍລິຫານງານສະຫະພັນກຳມະບານ ສສກ, ສູນພັດທະນາຜູ້ປະກອບກິດຈະການລາວ-ອິນເດຍ ແລະ ພະນັກງານສາມພາກສ່ວນຂະແໜງຍ່ອຍວິທະຍາສາດເຂົ້າຮ່ວມຢ່າງພ້ອມພຽງ. ມີຜູ້ເຂົ້າຮ່ວມທັງໝົດ 74 ຄົນ. ພ້ອມນັ້ນຍັງໄດ້ຮັບການຕ້ອນຮັບຈາກ ທ່ານ ພູວົງ ສຸ້ຍຍະວົງ ປະທານມູນນິທິສົ່ງເສີມການຮຽນຮູ້ວິທະຍາສາດ ແລະ ພຶກສາສາດ ເຈົ້າຂອງສວນວິທະຍາສາດ ແລະ ພຶກສາສາດ, ເຊິ່ງຈຸດປະສົງໃນການຈັດກິດຈະກຳໃນຄັ້ງນີ້ແມ່ນເພື່ອສ້າງຂະບວນການຕ້ອນຮັບກອງປະຊຸມໃຫຍ່ 3 ຂັ້ນ ແລະ ສະເຫຼີມສະຫຼອງວັນສ້າງຕັ້ງແມ່ຍິງລາວ 20 /07/ 2024 ຄົບຮອບ 69 ປີ.
ເຊິ່ງກິດຈະກຳໃນຄັ້ງນີ້ ບັນດາຜູ້ເຂົ້າຮ່ວມທັງໝົດໄດ້ເຂົ້າຮັບຊົມວິດີໂອ ທ້ອງຟ້າຈຳລອງ (ດາລາສາດ), ທ່ຽວຊົມສວນ ແລະ ຖ່າຍຮູບລວມຢູ່ໜ້າປະຕູໂຂງ ແລະ ຮ່ວມຮັບປະທານອາຫານທ່ຽງ (ພາເຂົ້າສາມັກຄີ), ກ່ອນຮັບປະທານອາຫານທ່ຽງ ທ່ານ ປອ. ສຸລິອຸດົງ ສຸນດາລາ ຮອງລັດຖະມົນຕີກະຊວງສຶກສາທິການ ແລະ ກິລາ ໄດ້ໃຫ້ກຽດໂອ້ລົມ ແລະ ມີທິດຊີ້ນຳ ໃນວຽກງານວິທະຍາສາດ ຕໍ່ການພັດທະນາເສດຖະກິດສັງຄົມ ແລະ ຜູ້ເຂົ້າຮ່ວມທັງໝົດກໍ່ໄດ້ມີໂອກາດໂອ້ລົມແລກປ່ຽນບົດຮຽນ, ແລກປ່ຽນຄວາມຄິດເຫັນເຊິ່ງກັນ ແລະ ກັນ ຢ່າງເປັນຂະບວນການຟົດຟື້ນ.
ຫຼັງຈາກນັ້ນ, ເວລາ 16:00 ນາທີ ກິດຈະກຳດັ່ງກ່າວກໍ່ໄດ້ສິ້ນສຸດລົງ ແລະ ຂະບວນກໍ່ໄດ້ພາກັນເດີນທາງກັບຄືນສູ່ນະຄອນຫຼວງວຽງຈັນ.