ໃນພິທີດັ່ງກ່າວ ໃຫ້ກຽດເປັນປະທານ ຂອງ ທ່ານ ປອ ສີພອນ ແສງສຸລິຈັນ ວ່າການແທນຜູ້ອຳນວຍການສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ ພ້ອມດ້ວຍ ຄະນະອໍານວຍການ ແລະ ພະນັກງານ-ລັດຖະກອນ ພາຍໃນ ສວນ ເຂົ້າຮ່ວມທັງໝົດ 22 ທ່ານ, ຍິງ 10 ທ່ານ.
ຈຸດປະສົງ ຂອງການເປີດຂະບວນການໃນຄັ້ງນີ້ ແມ່ນສ້າງຂະບວນການແຂ່ງຂັນ ຂອງ ບັນດາສູນ-ພະແນກ ໃນການຈັດຕັ້ງປະຕິບັດວຽກງານດັ່ງກ່າວ; ເນື້ອໃນຕົ້ນຕໍ ຂອງ ການເປີດຂະບວນການ ມີຄື:
- ຜ່ານມະຕິຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບແຂ່ງຂັນສ້າງຂະບວນການ;
- ເຜີຍແຜ່ເນື້ອໃນຂໍ້ແຂ່ງຂັນ;
- ຜ່ານແຜນຂໍ້ແຂ່ງຂັນການຈັດຕັ້ງປະຕິບັດວຽກງານສະກັດກັ້ນ ແລະ ແກ້ໄຂບັນຫາຢາເສບຕິດ ໃນຂະແໜງ ສສກ ປີ 2024-2025.
ໃນຕອນທ້າຍ ຂອງພິທີ ເພື່ອສະແດງເຖິງຄວາມສາມັກຄີເປັນຈິດໜຶ່ງໃຈດຽວ ຕາງໜ້າຄະນະອໍານວຍການ, ບັນດາສູນ-ພະແນກ ແລະ 03 ອົງການຈັດຕັ້ງມະຫາຊົນ ໄດ້ພ້ອມກັນຈັບມື ໃຫ້ຄໍາໝັ້ນສັນຍາຮ່ວມກັນປະຕິບັດໃຫ້ມີປະສິດທິພາບຕົວຈິງ.
ພິທີດັ່ງກ່າວໄດ້ດໍາເນີນໄປເປັນເວລາເຄິ່ງວັນ ແລະ ໄດ້ປິດລົງດ້ວຍຜົນສໍາເລັດອັນຈົບງາມ.