ຊຶ່ງໃຫ້ກຽດເປັນປະທານໂດຍ ສະຫາຍ ພິມພາ ອຸດທະຈັກ ເລຂາໜ່ວຍພັກຮາກຖານ ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ ເຊິ່ງມີຜູ້ເຂົ້າຮ່ວມທັງໝົດ 33 ສະຫາຍ, ຍິງ 9 ສະຫາຍ.
ຈຸດປະສົງຂອງພິທີໃນຄັ້ງນີ້ ແມ່ນເພື່ອຮັບເອົາມະຫາຊົນກ້າວໜ້າ 4 ສະຫາຍ ເຂົ້າເປັນສະມາຊິກພັກສຳຮອງ ຕາມມະຕິຕົກລົງ ສະບັບເລກທີ 175/ຄພສກ, ລົງວັນທີ 06 ມິຖຸນາ 2024.
ໃນພິທີດັ່ງກ່າວ ສະຫາຍ ຄຳຕຸ່ນ ຄຳພາວັນ ຕາງໜ້າໜ່ວຍພັກຮາກຖານກົມຈັດຕັ້ງ ແລະ ພະນັກງານ ໄດ້ຜ່ານມະຕິຕົກລົງ ອະນຸມັດຂອງຄະນະພັກຂັ້ນເທິງ ວ່າດ້ວຍການອະນຸມັດຮັບເອົາມະຫາຊົນກ້າວໜ້າເປັນສະມາຊິກພັກສຳຮອງ.
ຫຼັງຈາກນັ້ນ, ສະຫາຍ ພິມພາ ອຸດທະຈັກ ເລຂາໜ່ວຍພັກຮາກຖານ ສວນ ໄດ້ຂຶ້ນກ່າວຮັບເອົາສະມາຊິກພັກໃໝ່ ພ້ອມທັງມອບມະຕິຕົກລົງໃຫ້ແກ່ສະມາຊິກພັກໃໝ່ ແລະ ສະຫາຍ ໄດ້ເປັນກຽດມີຄໍາເຫັນ ໂອ້ລົມ ຕໍ່ ສະມາຊິກພັກສຳຮອງໃໝ່ ຊຶ່ງການໂອ້ລົມ ຂອງ ສະຫາຍ ເຕັມໄປດ້ວຍຄວາມໝາຍຄວາມສໍາຄັນ, ເປັນເຂັມຊີ້ທິດເຍືອງທາງໃຫ້ແກ່ສະມາຊິກພັກສຳຮອງໃໝ່ ແລະ ຖັນແຖວສະມາຊິກພັກພາຍໃນ ສວນ ໂດຍເນັ້ນຮັກສາ ແລະ ເສີມຂະຫຍາຍຄວາມສາມັກຄີອັນເປັນປຶກແຜ່ນ ໃນການປະຕິບັດວຽກງານໃຫ້ສໍາເລັດຜົນດີ ໃນໜ້າທີ່ການເມືອງ ແລະ ປະຕິບັດກົດລະບຽບພັກໃຫ້ເຂັ້ມງວດ ແລະ ການເປັນແບບຢ່າງທີ່ດີ ໃຫ້ແກ່ມະຫາຊົນກ້າວໜ້າຮຸ່ນສືບຕໍ່ໄປ.
ພິທີດັ່ງກ່າວໄດ້ດໍາເນີນໄປເປັນເວລາເຄິ່ງວັນ ແລະ ໄດ້ປິດລົງດ້ວຍຜົນສໍາເລັດຢ່າງຈົບງາມ.