ການມາຢ້ຽມຢາມ ຂອງຄະນະດັ່ງກ່າວໃນຄັ້ງນີ້ ມີຈຸດປະສົງ ແລກປ່ຽນຂໍ້ມູນ, ສ້າງຄວາມເຂົ້າໃຈ ເຊິ່ງກັນແລະກັນ ເພື່ອວາງທິດທາງການຮ່ວມມືໃນຕໍ່ໜ້າ. ໃນວາລະການຫາລື ສອງຝ່າຍ ໄດ້ແລກປ່ຽນຂໍ້ມູນເຊິ່ງກັນແລະກັນ ໃນການຈັດຕັ້ງປະຕິບັດ ພາລະບົດບາດ ແລະ ໜ້າທີ່ ຂອງຕົນ ໃຫ້ກັນຊາບ, ຊຶ່ງເຫັນໄດ້ມີບາງວຽກງານການຄົ້ນຄ້ວາທີ່ກ່ຽວຂ້ອງ ທີ່ມີຄວາມອາດສາມາດຮ່ວມມືນໍາກັນໄດ້ໃນຕໍ່ໜ້າ ເປັນຕົ້ນ ວິທະຍາສາດຄອມພິວເຕີ, ການຄົ້ນຄ້ວາທາງດ້ານຊີວະ-ເຄມີ, ພືດສາດ, ການສັງລວມ ແລະ ການບໍລິການຂໍ້ມູນຂ່າວສານການຄົ້ນຄວ້າວິທະຍາສາດ. ສໍາລັບການກໍ່ສ້າງບຸກຄະລາກອນ-ວຽກງານພັດທະນາຊັບພະຍາກອນມະນຸດ, ລຸກຊໍາບວກ ໄດ້ສະໜອງທຶນການສຶກສາ ລະດັບປະລິນຍາໂທ ແລະ ປະລິນຍາເອກ ໃຫ້ແກ່ ສປປ ລາວ ໂດຍຜ່ານແຜນການໃຫ້ທຶນການສຶກສາ ແຕ່ລະໄລຍະ ໃນຂອບ ຂອງ EU ແລະ ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ ສະແດງຄວາມຍີນດີ ແລະ ມີຄວາມມຸ້ງຫວັງ ໃນການຮ່ວມມື ທາງສະຖາບັນ ມີແຜນຄວາມຕ້ອງການ ບໍາລຸງ ຍົກລະດັບວິຊາການ ແລະ ພັດທະນາບຸກຄະລາກອນ ໃນທຸກລະດັບ ກໍຄື ການພັດທະນາວຽກງານການຄົ້ນຄ້ວາວິທະຍາສາດໃຫ້ໄດ້ຮັບການພັດທະນາ ຢ່າງຕໍ່ເນື່ອງ ແລະ ທັງສອງຝ່າຍ ເຫັນວ່າ ສາມາດປະສານງານກັນຕື່ມ ຖ້າແຕ່ລະຝ່າຍ ເຫັນພ້ອມວຽກງານຮ່ວມກັນ.
