ຈຸດປະສົງຂອງກອງປະຊຸມຄັ້ງນີ້ແມ່ນເພື່ອ ຜ່ານຂໍ້ຕົກລົງວ່າດ້ວຍການອະນຸມັດໃຫ້ສະມາຊິກຊາວໜຸ່ມຜູ້ທີ່ພົ້ນອາຍຸກະສຽນ ອອກຈາກການເປັນສະມາຊິກຊາວໜຸ່ມປະຊາຊົນປະຕິວັດລາວ, ມອບໃບຍ້ອງຍໍສະມາຊິກຊາວໜຸ່ມ 4 ບຸກ 2023, ລາຍງານບັນຊີລາຍຮັບ-ລາຍຈ່າຍ, ມີຄຳເຫັນສົ່ງຂ່າວເຊິ່ງກັນ ແລະ ກັນ ແລະ ຂໍ້ສະເໜີຕ່າງໆຂອງສະມາຊິກຊາວໜຸ່ມ.
ສະຫາຍ ບຸນອ້ອມ ຈັນທະວົງສີ ເລຂາໜ່ວຍຮາກຖານຊາວໜຸ່ມໄດ້ຜ່ານຂໍ້ຕົກລົງວ່າດ້ວຍການອະນຸມັດໃຫ້ສະມາຊິກຊາວໜຸ່ມຜູ້ທີ່ພົ້ນອາຍຸກະສຽນ ອອກຈາກການເປັນສະມາຊິກຊາວໜຸ່ມປະຊາຊົນປະຕິວັດລາວ ເຊິ່ງມີລາຍຊື່ດັ່ງນີ້: 1. ສະຫາຍ ນາງ ວອນມະນີ ອ່ອນປະດິດ, 2. ສະຫາຍ ກາດໍາ ຈັນດາວົງ.
ຫຼັງຈາກນັ້ນ ໄດ້ມອບໃບຍ້ອງຍໍສະມາຊິກຊາວໜຸ່ມ 4 ບຸກ 2023 ທີ່ຍັງຄ້າງບໍ່ທັນໄດ້ມອບ ໃຫ້ແກ່ສະມາຊິກຊາວໜຸ່ມ. ຈາກນັ້ນ ສະຫາຍ ນາງ ສຸລິນາ ລໍວົງຄຳ ຄະນະໜ່ວຍຮາກຖານຊາວໜຸ່ມ ໄດ້ລາຍງານບັນຊີລາຍຮັບ-ລາຍຈ່າຍ ຂອງໜ່ວຍ ແລະ ໃນກອງປະຊຸມກໍ່ໄດ້ເປີດເວທີໃຫ້ສະມາຊິກໄດ້ມີຄຳເຫັນສົ່ງຂ່າວເຊິ່ງກັນ ແລະ ກັນ ແລະ ມີຂໍ່ສະເໜີຕ່າງໆຕໍ່ກອງປະຊຸມ.
ກອງປະຊຸມໄດ້ດໍາເນີນໄປເປັນເວລາເຄິ່ງວັນ ແລະ ໄດ້ປິດລົງດ້ວຍຜົນສໍາເລັດຢ່າງຈົບງາມ.