ຈຸດປະສົງ ຂອງ ກອງປະຊຸມໃນຄັ້ງນີ້ ໜຶ່ງ: ຜ່ານຮ່າງບົດລາຍງານການເມືອງ, ຮ່າງບົດສໍາຫຼວດການນໍາພາລວມ ຂອງໜ່ວຍພັກຮາກຖານ ແລະ ປະກອບຄໍາເຫັນໃສ່ຮ່າງບົດດັ່ງກ່າວ ໃຫ້ມີເນື້ອໃນຄົບຖ້ວນ ແລະ ໃຫ້ສາມາດຜັນຂະຫຍາຍເປັນອັນລະອຽດໃນພາກປະຕິບັດຕົວຈິງ. ສອງ: ຜ່ານບົດສຳຫຼວດຂອງບັນດາສະມາຊິກພັກ ແລະ ປະກອບຄຳເຫັນໃຫ້ບັນດາສະມາຊິກພັກ. ສາມ: ດໍາເນີນການປ່ອນບັດຄັດເລືອກບຸກຄະລາກອນ ທີ່ໄດ້ເປັນເປົ້າໝາຍລົງສະໝັກເລືອກຕັ້ງຄະນະໜ່ວຍພັກຮາກຖານຊຸດໃໝ່ (ຮອບທີ 2).
ໃນພິທີດັ່ງກ່າວ ສະຫາຍ ອານຸສິນ ແສງສຸລິນ ກອງເລຂາໜ່ວຍພັກຮາກຖານ ສວນ ໄດ້ຜ່ານຮ່າງບົດລາຍງານການເມືອງ ແລະ ຜ່ານຮ່າງບົດສຳຫຼວດການນຳພາລວມທີ່ໄດ້ຜ່ານການປະກອບຄຳເຫັນປັບປຸງຈາກບັນດາສະມາຊິກພັກ.
ຫຼັງຈາກນັ້ນ, ສະມາຊິກພັກສົມບູນແຕ່ລະສະຫາຍໄດ້ຂຶ້ນຜ່ານບົດສຳຫຼວດຕົນເອງ ພ້ອມທັງໃຫ້ສະມາຊິກພັກທັງໝົດໄດ້ມີຄຳເຫັນປະກອບໃຫ້ເພື່ອເປັນການປັບປຸງກໍ່ສ້າງເຊິ່ງກັນ ແລະ ກັນໃຫ້ກາຍເປັນສະມາຊິກພັກທີ່ດີເດັ່ນ.
ເພື່ອຄັດເລືອກເປົ້າໝາຍລົງສະໝັກເລືອກຕັ້ງ ໃນຄະນະໜ່ວຍພັກຮາກຖານຊຸດໃໝ່ ໃຫ້ຖືກຕ້ອງ ແລະ ສອດຄ່ອງ, ຕາງໜ້າກົມຈັດຕັ້ງ ແລະ ພະນັກງານ ໄດ້ຂຶ້ນຜ່ານມາດຖານ ແລະ ເງື່ອນໄຂ ຜູ້ທີ່ຈະລົງສະໝັກ ພ້ອມທັງນໍາພາດໍາເນີນການປ່ອນບັດຄັດເລືອກບຸກຄະລາກອນ (ຮອບທີ 2).
ກອງປະຊຸມດັ່ງກ່າວໄດ້ດໍາເນີນໄປເປັນເວລາເຄິ່ງວັນ ແລະ ໄດ້ປິດລົງໃນເວລາ 16:00 ນາທີ ຂອງວັນດຽວກັນ.
ຂຽນຂ່າວໂດຍ: ບຸນອ້ອມ ຈັນທະວົງສີ
ຖ່າຍພາບໂດຍ ສັນຕິສຸກ ກະວີວົງ