ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ

ກະຊວງ ສສກ ສປປ ລາວ ແລະ ກະຊວງວິທະຍາສາດ ແລະ ເຕັກໂນໂລຊີ ສສ ຫວຽດນາມ ຈັດກອງປະຊຸມສຳມະນາການຮ່ວມມືດ້ານວິທະຍາສາດ ແລະ ນະວັດຕະກຳ

⇒ກົດເຂົ້າຊົມເນື້ອໃນຂ່າວໄດ້ທີ່ນີ້⇐

ໜ່ວຍຮາກຖານຊາວໜຸ່ມ ສະຖາບັນຄົ້ນຄ້ວາວິທະຍາສາດ ແລະ ນະວັດຕະກຳ

ສໍາເລັດກອງປະຊຸມໃຫຍ່ ຄັ້ງທີ II

     ວັນທີ 15 ມີນາ 2024, ທີ່ ຫ້ອງປະຊຸມ ຂອງ ສະຖາບັນຄົ້ນຄ້ວາວິທະຍາສາດ ແລະ ນະວັດຕະກຳ(ສວນ), ຫຼັກ 14 ບ້ານດອນຕິ້ວ, ໜ່ວຍຮາກຖານຊາວໜຸ່ມ ສະຖາບັນຄົ້ນຄ້ວາວິທະຍາສາດ ແລະ ນະວັດຕະກຳ (ໜຊ.ສວນ), ກະຊວງສຶກສາທິການ ແລະ ກິລາ ໄດ້ເປີດກອງປະຊຸມໃຫຍ່ ຄັ້ງທີ II ຂອງຕົນຂຶ້ນ,

    ຊຶ່ງໃຫ້ກຽດເປັນປະທານຮ່ວມໂດຍ ສະຫາຍ ພິມ​ພາ ອຸດທະ​ຈັກ ​ເລຂາໜ່ວຍພັກ​ຮາກ​ຖານ ສະ​ຖາ​ບັນ​ຄົ້ນຄວ້າ​ວິທະຍາສາດ ​ແລະ ນະວັດຕະກຳ, ສະຫາຍ ປອ ຈັນທະວົງ ປັນຍາສິຣິ ​ ຮອງເລຂາຄະນະບໍລິຫານງານຊາວໜຸ່ມປະຊາຊົນ​ປະຕິວັດ​ລາວ ກະຊວງ​ສຶກສາ​ທິການ ​ແລະ ກິລາ, ສະຫາຍ ບຸນ​ຂົງ ຈັກ​ວົງສາ ​ເລຂາຄະນະ​ບໍລິຫານ​ງານ​ຊາວໜຸ່ມປະຊາຊົນ​ປະຕິວັດ​ລາວ ສຳນັກກະຊວງ​ສຶກສາ​ທິການ ​ແລະ ກິລາ, ສະຫາຍ ບຸນອ້ອມ ຈັນທະວົງສີ ເລຂາໜ່ວຍຮາກຖານຊາວໜຸ່ມ ສວນ, ປະທານກຳມະບານ​ຮາກ​ຖານ ສວນ, ໜ່ວຍຮາກ​ຖານ​ແມ່ຍິງ ສວນ ພ້ອມດ້ວຍສະມາຊິກຊາວໜຸ່ມພາຍໃນສະ​ຖາ​ບັນ​ຄົ້ນຄວ້າ​ວິທະຍາສາດ ​ແລະ ນະ​ວັດຕະ​ກຳ ​ເຂົ້າ​ຮ່ວມທັງໝົດ 21  ສະຫາຍ, ຍິງ 8 ສະຫາຍ.

               ໃນລະຫວ່າງ ວັນທີ 26-29ກຸມພາ2024 ຜ່ານມາ, ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ (ສວນ), ສສກ ໄດ້ໄປເຄື່ອນໄຫວວຽກງານ ຢູ່ແຂວງ ຈໍາປາສັກ ແລະ ໄດ້ຮ່ວມກັບ ພະແນກສຶກສາທິການ ແລະ ກິລາ ແຂວງ, ໂດຍສະເພາະ ແມ່ນ ຂະແໜງວິທະຍາສາດ, ອາຊີວະສຶກສາ ແລະ ການສຶກສາຊັ້ນສູງ.

              ວັນທີ 26 ກຸມພາ 2024 ໄດ້ຮ່ວມກັບພະແນກ ຈັດກອງປະຊຸມສໍາມະນາເຜີຍແຜ່ຜົນງານການຄົ້ນຄວ້າວິທະຍາສາດ ແລະ ນະວັດຕະກໍາທີ່ ພະແນກສຶກສາທິການ ແລະ ກິລາ ແຂວງ ຈໍາປາສັກ ໂດຍການເປັນປະທານຮ່ວມຂອງ ທ່ານ ປອ. ສີພອນ ແສງສຸລິຈັນ, ຮອງຜູ້ອໍານວຍການ ສວນ, ສສກ ແລະ ທ່ານ ບຸນຈັນ ບຸດຊາດອນ, ຮອງຫົວໜ້າພະແນກສຶກສາທິການ ແລະ ກິລາ ແຂວງ ຈໍາປາສັກ, ພ້ອມດ້ວຍຜູ້ເຂົ້າຮ່ວມກອງປະຊຸມທີ່ມາຈາກບັນດາມະຫາວິທະຍາໄລ, ວິທະຍາໄລ ພາກລັດ ແລະ ເອກະຊົນ ແລະ ພະນັກງານ-ລັດຖະກອນ ຂອງ ພະແນກສຶກສາທິການ ແລະ ກິລາ ແຂວງ ຈໍາປາສັກທັງໝົດ 40 ທ່ານ.

      ໃນຕອນເຊົ້າ ວັນທີ 12 ຕຸລາ 2023 ນີ້, ກະຊວງສຶກສາທິການ ແລະກິລາ ຮ່ວມກັບ ມະຫາວິທະຍາໄລແຫ່ງຊາດ(ມຊ) ໄດ້ເປັນກຽດຕ້ອນຮັບການມາພົບປະ-ໂອ້ລົມ ຕໍ່ນັກວິທະຍາສາດ ມຊ ໃນໂອກາດສະເຫຼີມ-ສະຫຼອງ ວັນວິທະຍາສາດແຫ່ງຊາດຄົບຮອບ 36 ປີ (12 ຕຸລາ 1987 – 12 ຕຸລາ 2023) ຂອງພະນະທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດແຫ່ງ ສປປ ລາວ, ໂດຍການຕ້ອນຮັບນຳໂດຍທ່ານ ຮສ. ປອ. ພຸດ ສິມມາລາວົງ ລັດຖະມົນຕີ ກະຊວງສຶກາສາທິການ ແລະກີລາ, ທ່ານ ປອ. ສຸລິອຸດົງ ສູນດາລາ ຮອງລັດຖະມົນຕີ ກະຊວງສຶກສາທິການ ແລະກີລາ, ທ່ານ ຮສ. ປອ. ອຸດົມ ພອນຄຳເພັງ ອະທິການບໍດີ ມຊ ພ້ອມດ້ວຍຄະນະ, ມີບັນດານັກຄົ້ນຄວ້າ, ທ່ານຜູ້ຊົງຄຸນວຸດທິ, ປະທານສະພາ ມຊ, ແຂກຈາກພາກສ່ວນຕ່າງໆທີ່ກ່ຽວຂ້ອງ, ນັກຄົ້ນຄວ້າ, ນັກວິທະຍາສາດ ແລະພະນັກງານ, ຄູ-ອາຈານ ທົ່ວ ມຊ ເຂົ້າຮ່ວມ.

          ສະຖາບັນຄົ້ນຄ້ວາວິທະຍາສາດ ແລະ ນະວັດຕະກຳ (ສວນ),  ໄດ້ເປີດເຝິກອົບຮົມ ເຕັກນິກການຂຽນຂ່າວ ແລະ ເຕັກນິກການຖ່າຍພາບ, ໃນລະຫວ່າງວັນທີ່ 14-16 ສິງຫາ 2023, ທີ່ຫ້ອງເຝິກອົບຮົມຂອງສະຖາບັນຄົ້ນຄ້ວາວິທະຍາສາດ ແລະ ນະວັດຕະກຳ, ເຊິ່ງໃນການເຝິກອົບຮົມຄັ້ງນີ້ໃຫ້ກຽດເປີດໂດຍ: ທ່ານ ອານຸສິນ ແສງສຸລິນ ຫົວໜ້າສູນພັດທະນາຫຼັກສູດ ແລະ ເຝິກອົບຮົມ ຂອງ ສວນ, ມີນັກວິທະຍາກອນ ທີ່ມິປະສົບການມາຈາກ ສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ (ສສວທ) ແລະ ນັກສຳມະນາກອນຈາກ ສວນ, ຫ້ອງການສະພາວິທະຍາສາດແຫ່ງຊາດ ແລະ ກົມຄຸ້ມຄອງວິທະຍາສາດ ເຂົ້າຮ່ວມຈຳນວນ 10 ກ່ວາທ່ານ.