ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ

     ໃນວັນທີ 21 ກຸມພາ 2025 ຜ່ານມານີ້, ທີ່ ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ ໄດ້ມີພິທີລົງນາມບົດບັນທຶກຄວາມເຂົ້າໃຈ (MoU) ວ່າດ້ວຍການປັບປຸງຫ້ອງທົດລອງ ເພື່ອກ້າວໄປເຖິງການຮ່ວມມືທາງດ້ານວິຊາການ ລະຫວ່າງ ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ, ກະຊວງສຶກສາທິການ ແລະ ກິລາ ແລະ ບໍລິສັດແອັດແລນຕິກ ອິນເຕີເນເຊີນແນວ ກຣຸບ ຈຳກັດຜູ້ດຽວ (ບໍລິສັດຂອງຄົນລາວ);

ໂດຍການໃຫ້ກຽດລົງນາມ ຂອງ ທ່ານ ປອ ສີພອນ ແສງສຸລິຈັນ ວ່າການແທນຜູ້ອຳນວຍການ ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ ແລະ ທ່ານ ພູວົງ ສຸ້ຍຍະວົງ ປະທານບໍລິສັດ ແອັດແລນຕິກ ອິນເຕີເນເຊີນແນວ ກຣຸບ ຈຳກັດຜູ້ດຽວ ໂດຍເປັນກຽດເຂົ້າຮ່ວມຂອງ ບັນດາທ່ານແຂກຈາກກົມຄຸ້ມຄອງວິທະຍາສາດ, ຫ້ອງການສະວິທະຍາສາດ ແຫ່ງຊາດ, ກົມຮ່ວມມືກັບຕ່າງປະເທດ ແລະ ພະນັກງານບໍານານ-ອະດີດຜູ້ອໍານວຍການສະຖາບັນ ພ້ອມດ້ວຍ ພະນັກງານ-ລັດຖະກອນ ພາຍໃນສະຖາບັນ ແລະ ບໍລິສັດ ທັງໝົດຈໍານວນ 29 ທ່ານ (ຍິງ 8 ທ່ານ).

      ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ(ສວນ) ໄດ້ດໍາເນີນກອງປະຊຸມປະເມີນ(ຕຳແໜ່ງບໍລິຫານປະເພດ 2) ຂັ້ນຜູ້ອຳນວຍການສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ ເຊິ່ງໄດ້ຈັດຂຶ້ນ ໃນວັນພຸດ ວັນທີ 19ກຸມພາ 2025, ເວລາ 13:30-15:00 ທີ່ ຫ້ອງຝຶກອົບຮົມ ຂອງສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ.

     ກອງປະຊຸມຄັ້ງນີ້ ຊຶ່ງໃຫ້ກຽດເປັນປະທານໂດຍ ທ່ານປອ ສີພອນ ແສງສຸລິຈັນ ວ່າການແທນຜູ້ອຳນວຍການ ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ, ມີຜູ້ຕາງໜ້າຈາກກົມຈັດຕັ້ງ ແລະ ພະນັກງານ 2 ທ່ານ, ກົມກວດກາ 1 ທ່ານ, ມີຜູ້ເຂົ້າ​ຮ່ວມທັງໝົດ 31 ທ່ານ (ຍິງ 12ທ່ານ).

    ຈຸດປະສົງ ຂອງກອງປະຊຸມໃນຄັ້ງນີ້ ແມ່ນເພື່ອປະເມີນຕຳແໜ່ງບໍລິຫານປະເພດ 2 ຂັ້ນຜູ້ອຳນວຍການ ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ, ໃນພິທີດັ່ງກ່າວ ສະຫາຍ ປອ ສີພອນ ແສງສຸລິຈັນໄດ້ຜ່ານບົດສະຫຼຸບໃນການຈັດຕັ້ງປະຕິບັດໜ້າທີ່ວ່າການແທນຜູ້ອຳນວຍການ ສວນ ໄລຍະຜ່ານ ມີຜົນສໍາເລັດ ແລະ ຂໍ້ຄົງຄ້າງ ໃດແດ່.

ການມາຢ້ຽມຢາມ ຂອງ ສະຖານທູດລຸກຊຳບວກ

ໃນເວລາ 14:00 ໂມງ ຂອງວັນທີ 11 ກຸມພາ 2025 ຜ່ານມາ, ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ ​ໄດ້ຕ້ອນຮັບ ອາຈານ Pascal BOUVRY ຄະ​ນະ​ບໍ​ດີ​ຈາກ​ພາກວິ​ຊາ​ວິ​ທະ​ຍາ​ສາດ​ຄອມ​ພິວ​ເຕີ, ຄະ​ນະ​ວິ​ທະ​ຍາ​ສາດ ເຕັກ​ໂນ​ໂລ​ຊີ ແລະ ການ​ຢາ  ພ້ອມດ້ວຍຄະນະ ມາຈາກ ມະ​ຫາ​ວິ​ຍາ​ໄລ​ລຸກ​ຊຳ​ບວກ ແລະ ພະນັກງານສະຖານທູດແຫ່ງລັດລຸກຊຳບວກ ໂດຍໃຫ້ກຽດຕ້ອນຮັບ ຂອງທ່ານ ປອ.ສີພອນ ແສງສຸລິຈັນ ວ່າການແທນຜູ້ອຳນວຍ ການສະ​ຖາ​ບັນ​ຄົ້ນຄວ້າ​ວິທະຍາສາດ ​ແລະ  ນະວັດຕະກໍາ ພ້ອມມີຄະນະພະແນກ ແລະ ສູນກ່ຽວຂ້ອງ;

     ໃນຄັ້ງວັນທີ 24 ມັງກອນ 2025 ຜ່ານມານີ້ ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ ໄດ້ຕ້ອນຮັບ ແລະ ເຮັດວຽກຮ່ວມກັບ ທ່ານ Zen Pengxin ຫົວໜ້າກົມຄຸ້ມຄອງຂໍ້ມູນເອເລັກໂຕຼນິກ ຂະໜາດໃຫຍ່ (Big Data) ຈີນ-ອາຊຽນ, ຫ້ອງການພັດທະນາສໍານັກງານຖານຂໍ້ມູນ ຂະໜາດໃຫຍ່ ກວາງຊີ ພ້ອມດ້ວຍຄະນະ ໄດ້ເຂົ້າພົບປະ ເພື່ອປຶກສາຫາລື ກັບ ຄະນະສະຖາບັນ ພ້ອມດ້ວຍຄະນະ, ຢູ່ທີ່ ຫ້ອງປະຊຸມ ຂອງສະຖາບັນຄົ້ນຄ້ວາວິທະຍາສາດ ແລະ ນະວັດຕະກໍາ.

     ຝ່າຍ ສປ ຈີນ ໄດ້ລາຍງານຫຍໍ້ ກ່ຽວກັບໜ້າທີ່ກົມ ກໍຄື ສໍານັກງານຖານຂໍ້ມູນ ມີໜ້າທີ່ບໍລິຫານການເຄື່ອນໄຫວ ແຜນພັດທະນາ Technology Digital  ແລະ ເສດຖະກິດ Digital ກວາງຊີ ເຊິ່ງປະຈຸບັນລັດຖະບານ ສປຈີນ ມີນະໂຍບາຍ ດ້ານເສດຖະກິດດິຈິຕ໋ອນ, ລັດຖະບານດິຈິຕ໋ອນ, ພັດທະນາປັນຍາປະດິດ, ການພັດທະນາຂໍໍ້ມູນຂ່າວສານ ຈີນ-ອາຊຽນ ແລະ ພັດທະນາຊັບພະຍາກອນມະນຸດ.

     ໃນຕອນເຊົ້າຂອງວັນທີ 23 ມັງກອນ 2025, ສູນຂໍ້ມູນຂ່າວສານ ແລະ ຫໍສະໝຸດ (ສຂຫ) ໄດ້ເປີດ ກອງປະຊຸມສະຫຼຸບວຽກງານຂອງສູນ ປະຈຳປີ 2024 ແລະ ວາງແຜນການປະຕິບັດວຽກງານໃນປີ 2025.ທີ່ ຫ້ອງປະຊຸມ ຂອງສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ.

     ໃນພິທີດັ່ງກ່າວ ໃຫ້ກຽດເປັນປະທານ ຂອງ ທ່ານ ປອ ສີພອນ ແສງສຸລິຈັນ ວ່າການແທນຜູ້ອຳນວຍການສະ​ຖາ​ບັນ​ຄົ້ນຄວ້າ​ວິທະຍາສາດ ​ແລະ  ນະວັດຕະກໍາ ພ້ອມດ້ວຍ ຄະນະອໍານວຍການ, ບັນດາຫົວໜ້າສູນ, ຄະນະສູນ, ຫົວໜ້າພະແນກ ແລະ ພະນັກງານວິຊາການ ພາຍໃນ ສຂຫ ​ເຂົ້າ​ຮ່ວມທັງໝົດ 13 ທ່ານ, ຍິງ 03 ທ່ານ.

     ຈຸດປະສົງ ຂອງການເປີດກອງປະຊຸມໃນຄັ້ງນີ້ ແມ່ນເພື່ອສະຫຼຸບຜົນງານທີ່ສູນຂໍ້ມູນຂ່າວສານ ແລະ ຫໍສະໝຸດສາມາດປະຕິບັດໄດ້, ປຶກສາຫາລືປັບປຸງບັນຫາທີ່ຍັງຄົງຄ້າງ ແລະ ຮ່ວມກັນວາງແຜນການຕໍ່ໜ້າປະຈຳປີ 2025 ເຊິ່ງມີຫົວຂໍ້ຫຼັກໆຄື:

     ກອງປະຊຸມປະເມີນໜ່ວຍພັກ ແລະ ສະມາຊິກພັກ ປອດໃສ, ເຂັ້ມແຂງ, ໜັກແໜ້ນຂອງໜ່ວຍພັກຮາກຖານ ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ ປະຈໍາປີ 2024 ໄດ້ເປີດຂຶ້ນ ໃນຕອນເຊົ້າ ຂອງ ວັນທີ ວັນທີ 22 ພະຈິກ 2024 ທີ່ຜ່ານມາ ທີ່ສະຖາບັນຄົ້ນຄວ້າວິທະຍາສາດ ແລະ ນະວັດຕະກໍາ.

     ກອງປະຊຸມຄັ້ງນີ້ ໃຫ້ກຽດຕ້ອນຮັບ ແລະ ເປັນປະທານ ຂອງ ສະຫາຍ ປອ. ສີພອນ ແສງສຸລິຈັນ, ກຳມະການໜ່ວຍພັກຮາກຖານ ສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ ແລະ ໃຫ້ກຽດເປັນປະທານຮ່ວມ ຂອງ ສະຫາຍ ຄຳອອນ ພອນປະເສີດ ເລຂາໜ່ວຍພັກຮາກຖານ ກົມກວດກາ, ສະຫາຍ ໜູໄກ ລາດສະວົງ ກຳມະການໜ່ວຍພັກຮາກຖານກົມຈັດຕັ້ງ ແລະ ພະນັກງານ, ພ້ອມສະມາຊິກພັກສົມບູນ, ສໍາຮອງ ພາຍໃນໜ່ວຍພັກເຂົ້າ​ຮ່ວມ ເຊິ່ງລວມມີທັງໝົດ 30 ສະຫາຍ ຍິງ 11 ສະຫາຍ.